दमक/ नेपाल खेलकुद पत्रकार मञ्च (एनएसजेएफ) जिल्ला समन्वय शाखा झापाले संस्थाको स्थापना दिवसको अवसरमा मैत्रीपूर्ण फुटसल आयोजना गरेको छ ।
मञ्चले दमकस्थित कदम थिएटरका कलाकार र मञ्च झापाका पत्रकारबीच दमक ५ स्थित विस्ट फुटसल मैदानमा फुटसल खेल आयोजना गरेको हो । खेलमा कदम थिएटर १०–५ गोल अन्तरले विजयी भएको खेलकुद पत्रकार मन्च झापाका सचिव चिरन्जीबी घिमिरेले बताए ।
कार्यक्रममा दमकका सामाजिक तथा व्यवसायीक व्यक्तित्व प्रविण चाम्लिङ, मञ्च झापाका संस्थापक उत्तम रिजाल, कदम थिएटरका कला निर्देशक सिजन दाहाल, कदम थिएटरका व्यवस्थापक सन्तोष दुलालको सहभागिता रहेको थियो ।
कदम थिएटरले दमकमा नियमित नाटक मञ्चन गर्दै आएको छ । उसले नाटक ’जयमाया आफू मात्र लिखापानी आइपुगी’ मञ्चनको तयारी गरिरहेको छ ।
