झापा/ झापामा आफैंले चलाएको मोटरसाइकल अनियन्त्रित भएर सडक किनारको रुखमा ठोक्किएर भएको दुर्घटनामा ताप्लेजुङका एक युवकको मृत्यु भएको छ ।
जिल्ला प्रहरी कार्यालय झापाका अनुसार बिर्तामोड –शनिश्चरे रोडमा पर्ने डाँस पुल नजिकै भएको सो दुर्घटनामा ताप्लेजुङ श्रीजङ्घा गाउँपालिका वडा नम्बर ६ का २६ बर्षिय सन्तोष लिम्बूको मृत्यु भएको हो । आज शुक्रवार अपरान्ह करिब ४ बजे बा.४९ प २१५९ नम्बरको मोटरसाईकल आफैं अनियन्त्रित भई सडकको बाँया साईडको रुखमा ठोक्किएर दुर्घटना भएको प्रहरीले जनाएको छ ।
मोटरसाइकल पछाडी सवार श्रीप्रसाद लिम्बु घाइते भएका छ्न ।
