दमक/ ईलामको चुलाचुली गाउँपालिकामा पर्ने पूर्वकै चर्चित पर्यटकीयस्थल चपेटीका होटल ब्यवसायीहरु संगठित भएका छन् । चुलाचुली गाउँपालिका वडा नम्बर ५ स्थित चर्चित पर्यटकियस्थल चपेटीमा होटल ब्यवसाय सञ्चालन गर्दै आएका ब्यबसायीहरु संगठित भएका हुन ।
ब्यवसायीहरुको भेलाले मदन राईको अध्यक्षतामा सात सदस्यीय कार्य समिति सर्वसम्मत चयन गरेको हो । गठित समितिको उपाध्यक्षमा रमेश राई, सचिव अन्जिप राई, सह सचिव मौशम राई र कोषाध्यक्ष दिपेन्द्र राई चयन भएका छन् ।
त्यसैगरी सदस्यहरुमा प्रज्ञा राई र अजिता लिम्बु चयन भएका जनाइएको छ । पर्यटकिय क्षेत्रमा लामो समय देखी होटल ब्यवसाय सञ्चालन गर्दै आएका ब्यवसायीहरु ब्यवसायीक हकहित र एकताका लागि संगठित भएको अध्यक्ष राईले बताए । होटल ब्यवसायीको हक अधिकारका साथै ग्राहक तथा उपभोक्ताहरुको सहजतका लागि समेत संगठित भएको उनले बताए ।
