दमक/ हाल अमेरिकामा बसोबास गर्दै आएका एक जोडीले आफ्ना पितृहरुको सम्झनामा दमकस्थित रत्न ज्येष्ठ आश्रममा खाद्यन्न र जाडोमा उपयोगी कपडाहरु सहयोग गरेका छन् ।
स्वर्गीय बुबा बिष्णु प्रसाद भट्टराईको पुण्य तिथीको दिन पारेर छोरी बिमला भट्टराई र ज्वाँई कृष्ण चापागाईंले स्वर्गीय आमा गङ्गा भट्टराई र स्वर्गीय भाईहरु लेखनाथ र तुलसी भट्टराईको समेत सम्झनामा करीब २४ हजार बराबरको सो सहयोग प्रदान गरेका हुन् ।
दमकस्थित रत्न ज्येष्ठ नागरिक वृद्दाश्रममा जाडोमा लगाउने लत्ता कपडा, मोजा जुत्ता, आश्रमका लागि आवश्यक चामल तेल, दाल साबुन ,सरफ , डिस वासिङ लिक्विड, हर्पिक, फिनेल प्रदान गरिएको हो । त्यस्तै आश्रममा आश्रित आमा बुबालाई खाना व्यवस्थापन गरिदिएका छन् ।
