दमक/ झापाको अर्जुनधा नगरपालिका वडा नं ४ स्थित बिन्ध्यावासिनी मन्दिरमा ग्रीलको काम गर्ने सिलसिलामा करेन्ट लागेर एक जना मजदुरको ज्यान गएको छ ।
बिहिबार दिउँसो १२ बजे त्यहाँ मन्दिरको कम्पाण्डवालमा ग्रीलको काम गर्ने क्रममा भारतको धुपगढीका २३ बर्षिय गोविन्द मण्डललाई करेन्ट लागेको थियो ।
उनलाई तत्कालै बिर्तासिटी अस्पताल विर्तामोडमा उपचारका लागि ल्याइएपनि १२.२५ बजेको समयमा चिकित्सकहरुले मृत घोषणा गरेका जिल्ला प्रहरी कार्यालय झापाले जनाएको छ ।
