दमक/ दमक नगरपालिकाको ५ नम्बर वडा कार्यालय बालमैत्री वडा घोषणा भएको दोश्रो बर्ष पुरा भएको छ । बालमैत्री वडा घोषणा भएको दिनलाई वडा बाल सञ्जाल दमक ५ ले बालमैत्री दिवसका रुपमा मनाएको छ ।
यस अवसरमा वडा बाल सञ्जालले बालबालिकाहरुबीच नगरस्तरीय बक्तृत्वकला प्रतियोगीता सञ्चालन गरेको छ ।
५ नम्बर वडा कार्यालयको सहयोगमा शनिबार सो प्रतियोगीता सम्पन्न भएको हो ।
सञ्जालले दमक ५ स्थित दिपीनि आधारभुत बिद्यालयको सभाकक्षमा आयोजना गरेको प्रतियोगीतामा प्रनिसा चौहान पहिलो, परिधी शिवाकोटी दोश्रो , केनिसा सुवेदी तेस्रो र डिजायर नेपाल सान्तवना घोषित भएका वडा बाल सञ्जाल दमक ५ का उपाध्यक्ष दिवस वाग्लेले जानकारी दिए ।
बालमैत्री समाज निर्माणमा बालबालिकाको भुमिका शीर्षकमा नगर भित्रका ३० जना प्रतियोगी बालबालिकाहरुले भाग लिएका आयोजक वडा बाल सञ्जालका सहसचिव बिदुर पौडेलले जानकारी दिए ।
दमक नगरपालिकाका प्रमुख रामकुमार थापाको प्रमुख आतिथ्य र वडा बाल सञ्जाल दमक ५ की सुकृति पराजुलीको अध्यक्षतामा सञ्चालन भएको सो कार्यक्रमको उदघाटन वडा सदस्य गोपालकृष्ण संग्रौलाले गरेका थिए भने कार्यक्रममा वडाका जनप्रतिनिधिहरु शोभा खतिवडा बेलबाँसे र ख्यामकुमारी परियार, नगर बाल सञ्जालकी पूर्व अध्यक्ष आकृति बस्नेत, बाल सञ्जालका पूर्व पदाधिकारी , सदस्यहरु, नगरका विभिन्न वडा बाल सञ्जालका प्रतिनिधिहरुको पनि आतिथ्य रहेको थियो ।
वडा बाल सञ्जाल सदस्य रिया आचार्यले स्वागत मन्तव्य राखेको कार्यक्रमको सञ्चालन बाल सञ्जालका सहसचिव पौडेलले गरेका थिए ।
