दमक/ दमक ५ मा सञ्चालित सर्वाेदय अंग्रेजी माविमा होटल मेनेजमेन्ट (कुलिनरी आर्ट) बिषयको अध्ययन अध्यापनका बिषयमा आज बिद्यार्थीहरुले बिषय विज्ञहरुसँग अन्तरक्रियात्मक छलफल गरेका छन् ।
सिक्ने स्कूलका रुपमा पहिचान बनाइरहेको सर्वोदयले चालू शैक्षिक सत्रदेखि कक्षा ११ मा होटल मेनेजेमेन्ट सम्बन्धि बिषयको अध्यापन गर्न लागेको सन्दर्भमा अन्तराष्ट्रिय नेपाली सेफ सोसाइटीका उपाध्यक्ष समेत रहेका साइकुमार शर्माको प्रमुख उपस्थितीमा सो कार्यक्रम गरेको हो ।
सर्वोदय एजुकेशन फाउण्डेशनका अध्यक्ष अनिल सुवेदीको अध्यक्षतामा सञ्चालित सो कार्यक्रममा सर्वोदयका अतिरिक्त विभिन्न बिद्यालयका कक्षा ११ पढ्ने तयारीमा रहेका बिद्यार्थीहरु सहभागी थिए । सो अवसरमा प्रमुख अतिथी शर्माले विश्व बजारमा पाक शिक्षक (सेफ) विज्ञहरुको माग बढ्दो रहेकोले नेपाली युवा बिद्यार्थीहरु बिषयको अध्ययन गरेर र प्रयोगात्मक रुपमा आफू दक्ष हुनुपर्ने सुझाए । बिद्यालयका प्रिन्सीपल नविन योगीले बिद्यालयले पछिल्लो समय बिद्यार्थी र अभिभावकहरुको रोजाईमा पर्दै गएको कुलिनरी आर्टको बिषयमा अध्यापन गराउन लागेको बताए ।
विद्यालयले होटल मेनेजमेन्ट अर्थात कुलिनरी आर्टसँगै कम्प्युटर साइन्स विषयको समेत कोर्ष सञ्चालन गर्न लागेको योगीले बताए ।
उच्च माध्यमिक तहका विद्यार्थीलाई गुणस्तरीय तथा प्रविधिमैत्री शिक्षा प्रदान गर्ने उद्देश्यले विद्यालयले भौतिक पूर्वाधार र दक्ष बिषय शिक्षकको क्षेत्रमा समेत लगानी बढाएको अध्यक्ष सुवेदीले जानकारी दिए ।
प्रयोगात्मक तथा सीपमूलक शिक्षालाई प्रभावकारी बनाउन अत्याधुनिक कुलिनरी ल्याब, कम्प्युटर ल्याब र विज्ञान प्रयोगशालाको व्यवस्था गरिएको बिद्यालयले जनाएको छ । विद्यार्थीको सुरक्षा र नियमित हाजिरी व्यवस्थापनका लागि च्ँक्ष्म् कार्ड तथा विद्यालयको आफ्नै मोबाइल एप सञ्चालनमा ल्याइएको छ ।
यस प्रणालीमार्फत विद्यार्थी विद्यालय प्रवेश तथा बाहिरिनेबित्तिकै अभिभावकले मोबाइलमा तत्काल जानकारी प्राप्त गर्ने व्यवस्था गरिएको विद्यालय प्रशासनले जनाएको छ ।
