नेपाली कांग्रेसले आसन्न मसिंर ४ मा हुने प्रदेश सभा सदस्यका लागि झापा क्षेत्र नं ५ खमा समानुपातिक तर्फ महिला कोटामा गरेको सिफारिसमा परेकी उम्मेदवार हुने दमककी परिचित नेतृ रमा लिम्बु ।
१४ औं महाधिवेशनबाट लोकप्रिय मत पाएर पार्टीको महाधिवेशन प्रतिनिधिमा निर्वाचित भएकी नेतृ लिम्बुलाई यहाँको निजी क्षेत्रमा लगानीकर्ताको रुपमा पनि परिचित छिन ।
दमकको सामाजिक तथा व्यवसायिक क्षेत्रसंगै कांग्रेसको राजनीतिमा सक्रिय लिम्बु युवा पुस्ताकी उदाउँदो नेतृ हुन । दुई दशक अघिदेखि व्यवसायिक यात्रा शुरु गरेकी दमक १ निवासी लिम्बुले दमक उद्योग वाणिज्य संघको इतिहासमा पहिलो महिला पदाधिकारी बनेर इतिहास रचिसकेकी छिन । उनी महिला सम्बद्ध विभिन्न अधिकारवादी संघ संस्था र लायन्स क्लब लगायतका सामाजिक संस्थाहरु मार्फत सशक्त र जुझारु महिला नेतृका रुपमा आफूलाई उभ्याउन सफल छिन । रमालाई युवा पुस्ताको सक्रिय नेतृका रुपमा लिइन्छ ।
“राजनीति मार्फतनै समाजमा योगदान दिन र प्रदेश सभामा जनजाती महिलाहरुको प्रतिनिधित्व गर्दै समावेशीताको आवश्यकतालाई सम्बोधन गर्न पनि मेरो उम्मेदवारीले बल पुरयाउनेछ भन्ने विश्वास लिएकी छु” – प्रदेश सभा सदस्यका रुपमा पार्टीबाट उम्मेदवारी सिफारिसमा परेपछि निष्कर्ष न्यूजसँगको कुराकानीमा रमाले भनिन ।
कांग्रेसको महाधिवेशन प्रतिनिधिमा निर्वाचित भएपछि आफूलाई राजनीतिमा पनि दर्बिलो नेतृका रुपमा उभ्याएकी उनी दमक उद्योग वाणिज्य संघको कार्यसमिति सदस्य हुँदै हाल तृतीय उपाध्यक्षको रुपमा छिन ।
दमकमा उद्योग वाणिज्य संघ स्थापनाको २७ बर्षे लामो इतिहासमा संघको पदाधिकारीमा दुई बर्ष अघि मात्रै लिम्बु निर्वाचित भएकी हुन । उनी राष्ट्रिय महिला अधिकार मञ्च दमकको नगर अध्यक्ष तथा सौन्दर्यकला व्यवसायी संघ झापाको कोषाध्यक्ष पनि हुन ।
दमकमा सौन्दर्यकला व्यवसायबाट आफनो व्यवसायिक यात्रा शुरु गरेकी हुन । स्वास्थ्य तथा अन्य रोजगारमुलक क्षेत्रमा उनले लगानीकर्ताको पहिचान पनि बनाएकी छिन । रमा निम्स नेशनल हस्पिटल प्रालिकी कोषाध्यक्ष हुन भने रोटरी, लायन्स क्लब जस्ता अन्तरािष्टयस्तर सम्म सञ्जाल जोडिएका संस्थाहरुमा समेत आवद्ध रहेर सामाजिक सेवाका क्षेत्रमा आफूलाई अघि बढाइरहेकी छिन ।
