सर्वोच्च अदालतले प्रधानमन्त्री बालेन शाहलाई अदालतको अवहेलना सम्बन्धी मुद्दामा वारेस राखेर तारिख लिने सुविधा दिएको छ ।
न्यायाधीश हरि फुयाल र शान्तिसिंह थापाको इजलासले शाहलाई यस्तो सुविधा दिने आदेश गरेको हो । अब मुद्दाको तारिखका दिन शाह स्वयं उपस्थित हुनुपर्ने बाध्यता रहने छैन र उनका वारेसले उपस्थित भएर तारिख लिन सक्नेछन् ।
यसअघि भने सर्वोच्च अदालतले उनलाई यस्तो सुविधा प्रदान गरेको थिएन ।
शाहविरुद्ध अवहेलनाको मुद्दा विगत तीन वर्षदेखि सर्वोच्च अदालतमा विचाराधीन छ । उच्च अदालत पाटनले तीन वर्षअघि सिनेमा हलहरूमा हिन्दी चलचित्र प्रदर्शन नरोक्न अन्तरिम आदेश दिएको थियो ।
उक्त आदेशपछि तत्कालीन काठमाडौं महानगरपालिकाका मेयर रहेका शाहले सामाजिक सञ्जालमार्फत प्रतिक्रिया दिएका थिए । सोही विषयलाई लिएर अधिवक्ता वर्षा झाले सर्वोच्च अदालतमा अवहेलना मुद्दा दायर गरेकी थिइन् ।
