दमक/ दमक ६ मा मुख्य कार्यालय रहेको स्वणर्लक्ष्मी बचत तथा ऋण सहकारी संस्थाले १४ औं बार्षिक साधारण सभा इकाइगत रुपमा सम्पन्न गरेको छ ।
मंगलबार आयोजित साधारण सभाको प्रमाणिकरण समारोह राष्ट्रिय सहकारी महासंघका अध्यक्ष रमेश पोखरेलको प्रमुख आतिथ्यमा आयोजित समापन कार्यक्रममा विभिन्न व्यक्तिहरुलाई सम्मान तथा पुरस्कार प्रदान गरिएको संस्थाका कार्यकारी प्रमुख कमलकुमार घिमिरेले जानकारी दिए ।
सो अवसरमा प्रमुख अतिथी पोखरेलले सहकारीहरुले आफना शेयर सदस्यहरुको विश्वास जिनेर आकर्षित गर्न नसक्दा अप्ठयारोमा परिरहेको उल्लेख गरे । पोखरेलले सहकारी अभियानका बिषयमा सदस्यहरुलाई बुझाउनु अभियान्ताहरुकै दायित्व भएको पनि बताए ।
अहिलेको परिस्थितमा सहकारीमा देखिएका समस्यासँग जुध्न सहकारी संस्थाहरु र अभियान्ताहरुबीच हातेमालोको आवश्यकता औल्याएका पोखरेलले सहकारी क्षेत्रले मुलुकको आर्थिक क्षेत्रमा १८ प्रतिशत योगदान दिएको चर्चा गरे । कार्यक्रममा दमक ६ का वडाध्यक्ष टेकबहादुर थापाले शुभकामना दिदैं सहकारी सञ्चालकहरुलाई संस्थाका सदस्यहरुले समयमानै निगरानी गरेर नियम संवत सञ्चालन गर्न खबरदारी गर्नुपर्ने औंल्याए ।
कार्यक्रममा जिल्ला बचत तथा ऋण सहकारी संघ झापाका अध्यक्ष अध्यक्ष तुलाराम न्यौपाने, राष्ट्रिय सहकारी बैक दमक शाखा प्रमुख मुना के.सी. सहकारी अभियान्ता तथा मेची बहुउद्धेश्यीय सहकारी संस्थाका कार्यकारी अधिकृत खोम वगाले , पूर्व नेपाल बहुउद्धेश्यीय सहकारी संस्था कमलका अध्यक्ष प्रेम सापकोटा लगायतले पनि शुभकामना मन्तव्य राखेका थिए ।
सो अवसरमा संस्थामा कार्यरत उत्कृष्ट कर्मचारीलाई पुरस्कृत गरिएको थियो । हिरो अफ दि स्वणर्लक्ष्मी पुरस्कारवाट संस्थाको दमक शाखाका कर्मचारी सुशील गड्तौला,उत्कृष्ट कर्मचारीहरु कृतिका दाहाल र गणेश भटराई, कमल गड्तौला ,सानी भटराई र झलक गौतमलाई पुरस्कृत गरेको हो । त्यस्तै सो सहकारीले पत्रकारहरुलाई बर्षेनी प्रदान गर्दै आएको पत्रकारिता पुरस्कार यस बर्ष मनकुमार गदाललाई प्रदान गरेको छ ।
संस्थाका अध्यक्ष बुद्धिसागर वराल (बिमल) को अध्यक्षतामा भएको कार्यक्रममा अध्यक्ष बरालले सञ्चालक समितिको र लेखा सुपरिवेक्षण समितिका संयोजक गायत्रीप्रसाद पराजुलीले लेखा प्रतिवेदन पेश गरेका थिए ।
संस्थाले यसअघि झापा र मोरङका विभिन्न स्थानमा रहेका सेवा केन्द्रहरुमा इकाइगत साधारण सभा गरी सोको प्रमाणिकरण गरिएको संस्थाले जनाएको छ ।
