दमक/ सानो प्रयास युवा समाज दमक नामक सामाजिक संस्थाले कमल गाउँपालिका ५ नम्बर वडामा रहेको एउटा सामुदायिक बिद्यालयका बालबालिकालाई शैक्षिक सामग्री वितरण गरेको छ । सिद्ध देवी आधारभूत विद्यालयका १०८ जना बालबालिकाहरूलाई शैक्षिक सामग्री कपी कलम ,इरेजर ,साप्नर पेन्सील, लगायतका शैक्षिक सामग्री वितरण गरिएको हो ।
संविधानसभा सदस्य दीपक कार्कीको प्रमुख आतिथ्यमा सो कार्यक्रम सम्पन्न भएको सानो प्रयास युवा समाजका अध्यक्ष छवि खतिवडाले जानकारी दिनु भयो ।
दमक ५ मा सञ्चालित ब्रोड–वे क्याफेका सञ्चालक विपिन सुवेदी र विशाल पौडेलको सहकार्यमा ब्याग समेत वितरण गरिएको थियो । कार्यक्रममा ८० हजार रुपैयाँ बराबरको शैक्षिक सामग्री वितरण गरिएको अध्यक्ष खतिवडाले जानकारी दिनुभयो । कार्यक्रममा संस्थाका पदाधिकारी सदस्यहरू र बिद्यालय व्यवस्थापन समिति, जनप्रतिनिधि लगायतको उपस्थिती रहेको थियो ।
