दमक/ दमक नगरपालिका वडा नं ७ को वडा कार्यालयले ८० बर्षमाथिका ज्येष्ठ नागरिकहरुको स्वास्थ्य परिक्षण , निशुल्क औषधि वितरण लगायतका सेवामुलक कार्यक्रमसहित सम्मान कार्यक्रम गरेको छ ।
ज्येष्ठ नागरिक सम्मान प्रतिष्ठान नेपाल दमक ७ वडा समितिको साधारण सभामानै वडा कार्यालयले वडा भित्रका ८० बर्षमाथिका ज्येष्ठलाई सम्मानसहित स्वास्थ्य सेवा प्रदान गरेको हो ।
वडाध्यक्ष भिमप्रसाद पौडेलको प्रमुख आतिथ्यमा भएको सो कार्यक्रममा उनले स्थानीय सरकार सबै वडाबासीप्रति उत्तरदायी रहेको बताए ।
ज्येष्ठ, युवा, बालबालिका, महिला अपाङगता भएका सबै नागरिकहरुलाई लक्षित गरेर वडाले विभिन्न कार्यक्रमहरु ल्याइरहेको बताउँदै वडाध्यक्ष पौडेलले दमकबासी नागरिकहरुको सेवानै आफ्नो मुख्य लक्ष्य रहेको बताए ।
ज्येष्ठ नागरिक सम्मान प्रतिष्ठान दमक ७ का अध्यक्ष इन्द्रप्रसाद रेग्मीको अध्यक्षतामा सञ्चालन भएको सो कार्यक्रममा वडास्थित नगर स्वास्थ्य केन्द्रका प्रमुख नगेन्द्र भट्टराई, वडासदस्य अतित वान्तवा राई , प्रतिष्ठानका केन्द्रिय अध्यक्ष दुर्गा पौडेल लगायतले शुभकामना मन्तव्य राखेका थिए भने स्वागत मन्तव्य प्रतिष्ठानकी अम्बिका चापागाइँ (पौडेल)ले राखेकी थिइन् ।
सो अवसरमा लाइफलाइन अस्पताल दमक, थुलुङ डेन्टल, विर्ताज्योती आँखा अस्पताल दमकले बिषयगत स्वास्थ्य सेवा प्रदान गरेका वडासचिव योगेश भट्टराईले जानकारी दिए ।
सो अवसरमा वडा भित्रका ८० बर्षमाथिको ८५ जना लाई सम्मान गरिएको थियो भने कार्यक्रममा वडा सदस्य इन्दु पौडेल, मानबहादुर खवास, तारादेवी रणपहेंली, ज्येष्ठ नागरिक प्रतिष्ठानकी केन्द्रिय सदस्य गायत्रा लामिछाने, लाइफलाइन अस्पतालका डा. मनोज शाह, थुलुङ डेन्टलकी डा. सोफिया थुलुङ, राप्रपाका वडा समिति अध्यक्ष विक्रम सुब्बा लगायत विभिन्न राजनीतिक दल, टोल बिकास संस्थाहरु तथा ज्येष्ठ नागरिकहरुको विशेष उपस्थिती रहेको थियो । शिविरमा १ सय ५० जना भन्दा बढीले विभिन्न किसिमका स्वास्थ्य जाँच सेवा लिएका थिए ।
सो कार्यक्रममा होलसेल व्यवसायी संघ दमकले ज्येष्ठहरुलाई टोपी र जुत्ता सम्मान स्वरुप प्रदान गरेको थियो भने औषधिमा सहयोग महावीर फार्मेसी दमक, देउराली जन्ता फर्मासिटिकल्स काठमाडौ र प्राइम फम्र्युसिटिकल्स विरगन्जले सहयोग गरेका थिए । कार्यक्रमको सञ्चालन रिङकुमार आचार्यले गरेका थिए ।
