दमक/ प्रतिनिधि सभा सदस्य निर्वाचनका लागि झापा क्षेत्र नंम्बर ५ मा नेपाल कम्युनिष्ट पार्टी (माओवादी) ले चुनाव प्रचारप्रसार सम्पर्क कार्यालय स्थापना गरेको छ ।
बिहिबार, दमकमा एक कार्यक्रमवीच नेकपा (माओवादी) झापाका इन्चार्ज सुमन सिंह सीले कार्यालय उदघाटन गरेका छन् ।
इन्चार्ज सुमन सिंह सीले मुलुकमा बढ्दो भष्ट्रचार, वेथिती र अराजकतालाई सरकारले नियन्त्रण गर्न नसक्दा मुलुकमा जेन–जी बिद्रोह भएको र त्यो विद्रोहका आडमा विदेशी शक्तिहरु सत्ता कब्जामा लागेको आरोप लगाए ।
उनले निर्वाचनपछि मुलुकको समस्याहरु क्रमश हल हुँदै जान्छ भन्ने अवस्था अहिले नदेखिएकोतर्फ मतदाताहरु सचेत हुनुपर्ने औंल्याए ।
पुराना ठूला दलहरु सुध्रिन नसकेको र नयाँ दलहरुले मुलुक निर्माण गर्ने स्पट नीति, कार्यक्रम र योजनाहरु ल्याउन नसकेको उनको भनाई थियो । निर्वाचन नजिकिदैं छ, प्रचारप्रसारको क्रममा ठूला दलहरुले निर्वाचन आचारसंहितालाई उल्लर्घन गर्दा निर्वाचन आयोगले कानूनी दायरामा ल्याउन समेत उनको जोड थियो ।
त्यस्तैं, झापा ५ का उम्मेद्वार पार्टीका नेता सञ्जय सीले मुलुकलाई झनझन द्धन्द्धतर्फ धकेल्न नेपाली राजनीति पार्टी, जसले पटकपटक सत्ताको नेतृत्व गरे तिनै दललाई यसपटकको चुनावमा मतदान गर्न नहुने बताए । उनले लामो समयमा समाजका बेथिती, अन्याय, शोषणविरुद्ध लडिरहेको बताउँदै बदलिएको राजनीति धरातलमा पुरानै सोच र मानसिकता माथि उठेर नेकपा (माओवादी) का उम्मेद्वारलाई मतदान गर्नुपर्ने बताए । नेकपा (माओवादी) पहिलो पटक संसदीय चुनावमा प्रतिस्पर्धाका लागि आएको हो भने सो पार्टीले गुलाफ फूल चुनाव चिन्ह पाएको छ ।
झापा ५ मा नेकपा (माओवादी)ले चुनाव प्रचारप्रसारलाई व्यवस्थित गर्दै पालिकास्तरीय र वडा तहसम्म प्रभावकारी बनाउन सुवास सीको नेतृत्वमा १ सय ५१ जना रहेको चुनाव प्रचारप्रसार समिति गठन गरेको पार्टीले जनाएको छ । चुनाव प्रचारप्रसार तथा सम्पर्क कार्यालयलाई व्यवस्थित र नियमित बनाउँन जनसम्पर्क तथा युवा परिचालन समिति संयोजकमा विज्ञान सी रहेका छन् भने अर्जुन सीको नेतृत्वमा आर्थिक विभाग समिति गठन गरिएको छ ।
