दमक/ महाशिवरात्रि पर्वको दिन आज बिहानैदेखि देशैभरका शिवालय मन्दिरहरुमा दर्शनार्थीहरुको भिड लागेको छ । देशभर श्रद्धा, भक्ति र उल्लासका साथ हिन्दु तथा किराँत धर्मावलम्बीहरुले समेत यो पर्व मनाइरहेका छन् । विशेष गरी शिवालय मन्दिरहरुमा जल चढाउने महिलाहरुको भिडभाड देखिन्छ ।
फागुन कृष्ण चतुर्दशीका दिन मनाइने यस पर्वलाई भगवान् भगवान् शिव को अत्यन्त प्रिय दिनका रूपमा लिने गरिन्छ । पुराण अनुसार शिवजी प्रकट भएको रातको स्मरणमा मनाइने यो पर्व कालरात्रि, मोहरात्रि, सुखरात्रि र शिवरात्रि गरी चार प्रमुख रात्रिमध्ये एक पवित्र रात्रिका रूपमा वर्णन गरिएको छ ।
यस दिनलाई विशेष गरी दुःखी, कष्टपूर्ण जीवन बिताइरहेका प्राणीहरूको हृदयमा धर्मको उदय गराउने दिन मानिन्छ आज महाशिवरात्रि पशुपतिनाथ दर्शन गर्न साधुसन्तहरूको चहलपहल बढेको छ । मन्दिर परिसरमा साधु बाबाहरूले धुनी बालेर बसेका छन् ।
