दमक/ बिर्तामोड नगरपालिका वडा नं ४ कञ्चनजंघा स्कुल छेउमा कार र मोटसाइकल एकापसमा ठोक्किएर भएको दुर्घटनामा २५ बर्षिय एक युवकको मृत्यु भएको छ ।
शुक्रबार राती बिर्तामोडबाट शैनिक बजार तर्फ जाँदै गरेको बागमती प्रदेश–०१–०२५च ६०५० नम्बरको कार र बिपरित दिशाबाट आउँदै गरेको प्र१–०१–०१६प ३९५९ नम्बरको मोटरसाइकल एक आपसमा ठोक्किएर दुर्घटना हुँदा मोटरसाइकल चालक मेचीनगर १३ चारआलीका बिशाल पौडेलको मृत्यु भएको हो । दुर्घटनामा घाईते उनलाई उपचारको लागि बि एण्ड सी अस्पताल बिर्तामोडमा पठाईएकोमा तत्काल मृत घोषणा गरेको जिल्ला प्रहरी कार्यालय झापाले जनाएको छ । मोटरसाइकल पछाडी सवार कनकाई ६ का २५ बर्षिय चन्द्रकिशोर चापागाइँ सोही अस्पतालमा उपचाररत रहेका छन । कार चालक बिर्तामोड नगरपालिका ६ का २५ बर्षिय चिराग सिन्हालाई नियन्त्रणमा लिइएको प्रहरीले जनाएको छ ।
