दमक/ दमक १० स्थित दमक एग्रिकल्चर फार्ममा पालिएका लेयर्स कुखुरामा बर्डफलु प्रमाणित भएपछि जिल्लास्तरीय र्यापिट रेसपोन्ज टिमले व्यवस्थित र सुरक्षित रुपमा पंक्षी नष्ट गर्न थालिएको छ ।
दमक एग्रिकल्चर फार्ममा ५ वटा रायापिट रेसपोन्ज टिमले पंक्षी नष्ट गर्ने काम शुरु गरिएको हो ।
२० हजार लेयर्स कुखुरा(पंक्षी) रहेको फार्म रहेका पंक्षी नष्ट गर्ने काम २÷३ दिन लाग्न सक्ने भेटनरी तथा पशु विज्ञ केन्द्र भद्रपुरको प्रमुख तथा वरिष्ठ पशु विकास अधिकृत सितल भटराईले जानकारी दिइन् ।
फार्ममा २०हजार कुखुरा रहेकोमा ९ हजार कुखुरा मरिसकेका र अरु पनि मर्ने क्रममा रहेको दमक एग्रिकल्चर फार्मका सञ्चालक देवेन्द्र प्रसाईले बताए ।
अध्ययन टोलीको प्रतिवेदन पछि सरकारको पशु सेवा विभागको गत चैत ७ गते पत्रानुसार फार्मलाई केन्द्र विन्दु मानेर तोकिएको संकटग्रस्त क्षेत्रभित्रका बर्डफलु संंक्रमित कुखुराहरु नष्ट गर्ने काम गरिएको हो ।
पशुपन्छी चिकित्सक तथा प्राध्यापक डाक्टर सुबीर सिंहले पंक्षी ( कुखुरा)मा लागेको एच फायब वान (ज्छलज्ञ)भाइरस मानिसमा भने सहजै नसर्ने बताएका छन् । मानिसले कुखुराको मासु पकाउदा ६० डिग्री भन्दा माथिको तापक्रममा पकाउने हुँदा पंक्षीमा हुने भाइरस आफैं स्वत नष्ट हुने डाक्टर सिंहको तर्क छ ।
