दमक/ शिवसताक्षीको धरमपुरमा कार्यालय स्थापना गरी आफ्ना सदस्यहरुसँग वित्तीय कारोबार गर्दै आएको धरमपुर बचत तथा ऋण सहकारी संस्थाको चालू आर्थिक बर्ष २०८२÷०८३ को अर्धबार्षिक समीक्षा तथा सदस्य शिक्षा कार्यक्रम सम्पन्न भएको छ ।
बुधबार धरमपुर चोकमा आयोजना गरिएको सो कार्यक्रममा संस्थाको बित्तीय बिबरण, सामज प्रतिको उत्तरदायित्व अन्तर्गत सम्पन्न गरिएका कृयाकलापहरु, बिपन्न बिद्यार्थीहरुलाइ बितरण गरिएको न्यानो कपडा, प्रहरी बिट पुनर्निर्माण र आगामी कार्यक्रम अध्ययन अवलोकन भ्रमण, स्थापना दिवसको अवसरमा बैशाख २२ गते हुने रक्तदान कार्यक्रम लगायतका बिषयहरुमा सञ्चालक समिति र संस्थाका शेयर सदस्यहरुबीच छलफल भएको थियो ।
संस्थाका अध्यक्ष कुमार संकरको अध्यक्षतामा कार्यक्रमको सहजीकरण जिल्ला बचत तथा ऋण सहकारी संघ झापाका सचिब बिनोद ढकालले गरेका थिए । कार्यक्रमको संचालन संस्थाका सचिब नारदमणी रिमालले र स्वागत मन्तब्य संस्थाका उपाध्यक्ष चन्द्र कुमार खड्काले गरेका थिए ।
संस्थामा हाल ९१ लख शेयर पुँजी, ७ करोड ऋण लगानी, ६ करोड रुपैयाँ बचत रहेको र अर्धबार्षिक वासलात झण्डै ८ करोड रहेको वित्तीय विवरण कार्यक्रममा सार्वजनिक गरिएको थियो ।
