दमक/ दमक नगरपालिका वडा नम्बर १० मा सञ्चालित पशुपति आधारभुत बिद्यालयमा अध्ययनरत १६ जना छात्र छात्राहरुलाई दमक नगपालिकाको उपप्रमुख विशेष कोषबाट साइकल वितरण गरिएको छ । उपप्रमुख रेगिना भट्टराई प्रसाइँले बिहिबार बिद्यालयमा पुगेर ति बिद्यार्थीहरुको शैक्षिक निरन्तरतामा सहयोग पुरयाउने उद्धेश्यले साईकल हस्तान्तरण गर्नुभएको हो ।
बिद्यालयको माग अनुसार नगर उप प्रमुख कोषबाट ति साईकल वितरण गरिएको हो ।
सो अवसरमा उपप्रमुख भट्टराईले सो बिद्यालयमा टाढाबाट आउने बिद्यार्थीहरुलाई समयमै नियमित रुपमा बिद्यालय आउन कठिनाई भइरहेको अवस्थालाई मध्यनजर गरेर आफ्नो विशेष कोषबाट साइकल प्रदान गरिएको बताउँदै बिद्यार्थीहरुको उज्वल शैक्षिक भविष्यको कामना गर्नुभयो ।
बिद्यालयमा आउन थालेका बिद्यार्र्थी पनि यातायातको अभावको कारणले बिद्यालय छाड्ने क्रम देखिएकाले त्यसलाई रोक्न र शैक्षिक निरन्तरतामा प्रोत्साहनका लागि साइकल वितरण रोजिएको उहाँले बताउनु भयो ।
स्वास्थ्यका दृष्टिकोणबाट समेत साइकल कुदाउनु अत्यन्तै उपयोगी भएको र सहज माध्यम भएकाले बिद्यार्थीहरुका लागि साइकल रोजिएको उहाँको भनाई छ ।
साइकल पाएपछि बिद्यार्थीलाई विद्यालय आउन जान सहज हुने र पढाइमा सुधार आउने विश्वास लिइएको बिद्यालयका प्रधाना ध्यापक सिताराम निरौलाले बताउनु भयो । अहिले कक्षा ५ सम्म अध्यापन भइरहेको बिद्यालयमा ८० जना बिद्यार्थी आउन थालेको र भर्नाको क्रममै रहेकोले अभैm बिद्यार्थी बढ्ने अपेक्षा लिईएको उहाँले बताउनु भयो ।
बिद्यालय व्यवस्थापन समिति अध्यक्ष भक्ती प्रसाद सिटौलाको अध्यक्षतामा भएको कार्यक्रममा दमक १० का वडा सदस्य रविन्द्र लिम्बु, सामाजिक व्यक्तित्वहरु घनश्याम खनाल, दिपेश दाहाल लगायतको उपस्थिति रहेको थियो ।
