दमक/ झापाको दमक नगरपालिका वडा नम्बर ५ लाई स्थानीय बाल मैत्री स्थानीय शासनयुक्त वडा घोषणा गरिएको एक बर्ष पुरा भएको छ । अघिल्लो बर्ष बैशाख २६ गते महत्वपूर्ण कार्यक्रमहरुसहित दमक नगरपालिकाले सो वडालाई बालमैत्री घोषणा गरिएको थियो ।
बालबालिकाहरुको अधिकारका क्षेत्रमा यस कदमलाई निक्कै महत्वसाथ हेरिन्छ । बालमैत्री वडा घोषणासँगै स्थानीय सरकारले यो वडामा बालमैत्री वातावरणको सुनिश्चीत गरिएको जनाएको छ । बालमैत्री घोषणाको एक बर्ष पुरा भएको उपलक्ष्यमा दमकको ५ नम्बर वडामा रहेका दुई बिद्यालयमा रहेका बाल क्लबहरुले शुभकामना आदनप्रदान तथा बालबालिकासँग सम्बन्धित रचनात्मक कार्यक्रमहरु गरेका छन् ।
यसै क्रममा दमक ५ स्थित मेची सेकेण्ड्री बोर्डिङ स्कूलमा रहेको मेची बाल क्लबले बिद्यालयमा हाजिरीवाफ , चित्रकला र कविता वाचन प्रतियोगिता सञ्चालन गरेको क्लबले जनाएको छ । सो अन्तर्गतको हाजिरीजवाफ प्रतियोगिता (कक्षा ८ , ९ र १० ) , चित्रकला प्रतियोगिता (कक्षा १ र २ ) तथा (कक्षा ३ र ४ ) , कविता प्रतियोगता (कक्षा ५, ६ र ७ ) , चित्रकला प्रतियोगिता (कक्षा ५, ६ र ७ ) सञ्चालन गरिएको थियो ।
कक्षा १ देखि ४ सम्मका बिद्यार्थीहरुले कक्षागत रुपमा मनोरञ्जनात्मक कार्यक्रम स्वरुप गायन र नृत्य प्रस्तुत गर्दै बालमैत्री दिवसका रुपमा मनाएका छन् । बिद्यालयका प्रिन्सिपल श्रवणकुमार पोखरेलले बिद्यार्थीहरुले बालमैत्री दिवसका रुपमा यस दिनलाई महत्वसाथ लिएका र रचनात्मक कार्यक्रमहरु गरेर उदाहरण प्रस्तुत गरेकोमा खुशी व्यक्त गर्दै बिद्यार्थीहरुलाई प्रोत्साहन गरिने बताएका छन् ।
