दमक/ झापाको दमक नगरपालिकाले यही असार २ गते सोमबार स्थानीय बिदा दिएको छ । नगरपालिकाद्धारा प्रथम नागरिक घोषित धिमाल जातीले विशेष उल्लास साथ मनाउने सिरिजात जात्री पर्व परेकाले बिगत बर्षहरुझैं यस बर्ष पनि दमकमा स्थानीय सरकारले सार्वजनिक विदा दिइएको हो ।
जेठ ३० गतेको नगरपालिका बैठकको निर्णय अनुसार दमक नगरपालिका, नगर कार्यपालिका कार्यालय, वडा कार्यालयहरु, आधारभूत स्वास्थ्य केन्द्र, तथा मातहतका शैक्षिक संस्थाहरुमा स्थानीय सार्वजनिक बिदा दिइएको नगरपालिकाका प्रमुख प्रशासकीय अधिकृत गणेशराज कार्कीद्धारा हस्ताक्षरित सूचनामा उल्लेख छ ।
