दमक/ बालबालिकाको सृजनात्मक प्रतिभा उजागर गर्ने उद्देश्यले श्री सत्य साई सेवा संगठन नेपाल अन्तर्गत श्री सत्य साई सेवा समिति १ (क) को आयोजनामा स्तोत्र पाठ प्रतियोगिता सम्पन्न भएको छ ।
शनिबार झापाको चारालीमा सम्पन्न कार्यक्रममा श्री सत्य साई बालविकास केन्द्रको सक्रिय समन्वय रहेको थियो । कार्यक्रममा बालबालिकाको नैतिक शिक्षा, संस्कार र आत्मिक विकासमा टेवा र्पुयाउने उद्देश्य राखिएको थियो ।
प्रतियोगितामा श्री सत्य साई केन्द्र दमकका ११ वर्षिय बिनम्र पोखरेलले स्तोत्र पाठ्मा उत्कृष्ट प्रस्तुति दिँदै प्रथम स्थान हासिल गर्न सफल भए । स्तोत्रको साथै विभिन्न बिधामा प्रतियोगीताहरु भएका थिए ।
प्रतिभाशाली सहभागी बालबालिकाहरूलाई प्रमाणपत्र वितरण गरिएको थियो । अभिभावकहरुले प्रसन्नता व्यक्त गर्दै यस्ता कार्यक्रमले बालबालिकाको आत्मविश्वास, सिर्जनशीलता र संस्कार अभिवृद्धिमा महत्वपूर्ण भूमिका खेल्ने विश्वास व्यक्त गरे ।
श्री सत्य साई सेवा संगठन नेपालले मुलुकभर नैतिक शिक्षा, सेवा र आध्यात्मिक चेतनाको प्रवद्र्धन गर्दै यस्ता सृजनात्मक र संस्कारमूलक गतिविधिहरूलाई निरन्तरता दिँदै आएको छ ।
