दमक/ झापाको दमक नगरपालिकाले रतुवा र मावा खोलामा हुँदै आएको गिटी , बालुवा तथा नदीजन्य बस्तुको उत्खनन्मा रोक लगाएको छ ।
नगरपालिकाको तर्फबाट प्रमुख प्रशासकीय अधिकृत गणेशराज कार्कीले हस्ताक्षर गरेर जारी गर्नुभएको सार्वजनिक सूचनामा जेठ ३१ गते (आइतबार) साँझ ६ बजेदेखि लागू हुने गरी अर्को व्यवस्था नहुञ्जेल सम्मका लागि ति खोलामा नदीजन्य बस्तुको उत्खनन्, संकलन र ओसारपसारमा रोक लगाइएको उल्लेख छ । सूचनाको उल्लंघन गरी कसैले पनि खोलामा उत्खनन् गरेको पाइएमा कानुन बमोजिम कारवाही हुने पनि सूचित गरिएको छ । बर्षायामसँगै ति खोलामा हरेक बर्ष असारदेखि गिटी , बालुवाको उत्खननमा प्रतिबन्ध लगाइँदै आएको छ । हेर्नुहोस सुचना जस्ताको तस्तै
