दमक/ झापाको दमक ३ मा नेपाली कांग्रेसले असार पन्ध्र तथा राष्ट्रिय धान दिवसको अवसर पारेर शोकमा रहेको एक परिवारको खेतमा धान रोपाईँ गरिदिएको छ ।
स्थानीय एक जग्गाधनी सग अधिया खेती गर्न जग्गा लिएका चन्द्र बहादुर विश्वकर्माको खेतमा कांग्रेसले धान रोपाईमा लागेको सम्पूर्ण लागत व्यहोर्दै रोपाइँमा सहभागिता जनाएको हो । बिश्वकर्माकी बुहारी कमलाको निधन भएको आज छैठो दिनमा समवेदना दिन पुगेको कांग्रेस नेता कार्यकर्ताहरुको टोलीले विश्वकर्माको ११ कठ्ठा खेत हिल्याएर रोपाईँ गरिदिएको कांग्रेस दमक ३ का सभापति गोपाल गिरीले जानकारी दिए ।
कांग्रेस झापा ५ का क्षेत्रीय सभापति ढुनदीराज भण्डारी, प्रदेश क्षेत्रीय सभापति रवि न्यौपाने, नगर उपसभापति युवराज खनाल सहित नेता कार्यकर्ताहरुको समूह विश्वकर्माको घरमा पुगी समवेदना प्रकट गर्दै रोपाइँमा सघाउ पुर्याएका हुन । त्यहाँ खेत हिल्याएर रोपाईँ सम्पन्न गर्न लाग्ने खेतालाको पारिश्रमिक बापतको रकम समेत तिरेर विश्वकर्मा परिवारलाई सघाउ पुर्याएका बताईएको छ ।
