दमक/ झापाको दमक नगरपालिका वडा नम्बर ५ मा वडा बाल सञ्जालको नयाँ नेतृत्व चयन भएको छ ।
आइतबार वडा कार्यालयसँगको समन्वयमा वडा नम्बर ५ को प्रतिनिधिमूलक बाल भेलाले सञ्जालको पुनर्गठन गरेको ५ नम्बर वडा सचिव निधीनारायण ढुंगेलले जानकारी दिए ।
वडा बाल सञ्जालका अध्यक्ष प्रिपेश श्रेष्ठको अध्यक्षता र ५ नम्बर वडाध्यक्ष इन्द्रबहादुर गुरुङको प्रमुख आतिथ्यमा भएको सो भेलाले सुकृति पराजुलीको अध्यक्षतामा उपाध्यक्षमा दिवस वाग्ले, सचिवमा श्रीविना राई, सहसचिवमा विदुर पौडेल र कोषाध्यक्षमा दिनिसा माझीलाई चयन गरेको छ । अध्यक्ष र उपाध्यक्ष पदमा निर्वाचन भएको थियो भने अन्य सबै पदमा निर्विरोध निर्वाचित भएका हुन् ।
सदस्यहरुमा इसान केरुङ, अदिती कँडेल, मनिका मगर, तुमिना लिम्बु, रिया आचार्य, जिगम लिम्बु र हेमन बस्नेत रहेका छन् । अर्का एक सदस्य पछि मनोनित गरिने जनाइएको छ ।
दिपिनी आधारभूत बिद्यालयको सभाहलमा आयोजित बिद्यार्थी भेलामा वडास्थित विभिन्न बाल क्लबबाट पाँच÷पाँच जनाका दरले बालबालिकाका प्रतिनिधिहरु सहभागी भएका बताइएको छ ।
सो अवसरमा वडा सदस्यहरु खड्ग राई, ख्यामकुमारी परियार,गोपालकृष्ण संग्रौला, र शोभा खतिवडा बेलबाँसे, वडा सचिव ढुंगेल, सबै बिद्यालयका बाल क्लब संरक्षक शिक्षकहरु लगायतको आतिथ्य रहेको थियो ।
