धनकुटा / नेपाल पूर्व प्रहरी संगठनको ३५ औ स्थापना दिवसको अवसरमा नेपाल पूर्व प्रहरी संगठन धनकुटाले सम्मान तथा शुभकामना आदन प्रदान कार्यक्रम सम्पन्न गरेको छ ।
कार्यक्रममा धनकुटाका नेपाल पूर्व प्रहरी संगठनका जेष्ठ सदस्य धनकुटा नगरपालिका वडा नं। १ निवासी प्रेम मोक्तान तामाङलाई दोसल्ला ओढाएर सम्मान गरिएको छ ।
कार्यक्रमको उद्घाटन गर्दै नेपाल पूर्व प्रहरी संगठन धनकुटाका केन्द्रिय सदस्य हर्कनारायण सिंह राईले पूर्व प्रहरीहरु एकजुट भएर अगाडी बढ्नु पर्नेमा जोड दिनुभयो ।
त्यस्तै सहायक प्रमुख जिल्ला अधिकारी खगेन्द्र सुवेदीले पूर्व प्रहरीहरु राज्यको सम्पत्ती भएको वताउनु भयो ।
धनकुटा उद्योग बाणिज्य संघका अध्यक्ष विजय सन्तोषी राईले पूर्व प्रहरीले देश,जनता र समाजका लागि महत्वपूर्ण योगदान दिएकाले राज्यले उनीहरुलाई सम्मान गर्नु पर्नेमा जोड दिनु भयो ।
पूर्व प्रहरी संगठन धनकुटाका अध्यक्ष डम्वर कटुवालको अध्यक्षतामा सम्पन्न कार्यक्रममा नागरिक समाज धनकुटाका अध्यक्ष सुन्दरवाबु श्रेष्ठ,निबृत्त शिक्षक समाज धनकुटाका अध्यक्ष देव वहादुर खड्का,नेपाल पूतपूर्व सैनिक संगठन धनकुटाका उपाध्यक्ष होम प्रसाद अधिकारी,पूर्व मेजर बल वहादुर थापा,नेपाल पत्रकार महासंघ धनकुटका सल्लाहकार सन्तवीर लामा लगायतले शुभ कामना दिदै भूतपूर्व प्रहरीको योगदानको वारेमा चर्चा गरेका थिए ।
