दमक/ हिन्दु धर्मावलम्बीहरुका लागि महत्वपूर्ण चाड मध्येको तिहार पर्व अन्तर्गत आज घर घरमा धनधान्यकी देवी महालक्ष्मीको पूजा अर्चना गरिएको छ । यमपञ्चकसँगै शुरु भएको तिहार अन्तर्गतको लक्ष्मीपूजालाई विशेष महत्व दिएर मनाउने गरिन्छ । यस दिन आआफ्ना घर पसल, व्यवसायिक प्रतिष्ठान र उद्योल कलकाराखानाहरु परिसरमा सरसफाई गर्दै सज्जावट गरिएका छन् ।
आकर्षक सजावट र रंगको प्रयोग गरेर लक्ष्मी देवताको पाइताला बनाएर दियो कलशले घरमा सजाउँदा लक्ष्मीदेवी प्रशन्न भई घरमा प्रवेश गर्छिन भन्ने धार्मिक मान्यता र विश्वास रही आएको छ । लक्ष्मीपूजा गरेसँगै आजै साँझदेखि घर घरमा महिलाहरुले समुह बनाएर रातभर भैली खेल्ने चलन छ । भैलीनि आइन् आँगन…….भन्ने भैली गाएर एकापसका घर घरमा पुग्ने र यथाशक्य दक्षिण दिने/लिने चलन चलिआएको छ । यसले समाजमा महिलाहरुबीच आपसी एकता र सदभाव बढ्न गई सौहार्दता कायम राख्न मद्धत पुरयाउँछ ।नेपाली पात्रो अनुसार आज साँझ लक्ष्मपूजा परेको थियो भने भोली बिहान गोवद्र्धन अर्थात गाईको पूजा गरिनेछ ।
