दमक/ डाइनामिक पब्लिक लाइब्रेरी (डिपिएल) नेपालको दमकमा सम्पन्न छैठौं राष्ट्रिय महाधिवेशनबाट दुर्गाप्रसाद खतिवडा (दिवस)को अध्यक्षतामा नयाँ कार्यसमिति सर्वसम्मत चयन भएको छ । शनिबार राती अबेर सम्पन्न महाधिवेशनबाट कार्यसमितिको वरिष्ठ उपाध्यक्षमा गुणराज गिरी महासचिवमा कमल गैरे, कोषाध्यक्षमा जीवन सापकोटा र उपाध्यक्षमा मनिष गिरी निर्वाचित भएका छन् ।
संस्थाको विधान बमोजिम निर्देशकहरुमा अश्विन तिम्सिना, मनिका गिरी, जेनिश चम्लागाईं र दिपक न्यौपाने निर्वाचित भएका जनाइएको छ । यस अघि सो संस्थाको नेतृत्व अनिता खत्रीले गर्दै आएकी थिइन् । एक बर्षे कार्यकालका लागि यो समिति निर्वाचित भएको हो । यो संस्थाले दमकमा मुख्य कार्यालय स्थापना गर्दै देशभरका विभिन्न जिल्लामा हाल सम्म २१ वटा शाखा विस्तार गरिसकेको छ ।
