दमक/ इसाइ धर्मावलम्बीहरुले येशु ख्रीष्टको जन्म अर्थात वडा दिनको अवसर पारेर ख्रीष्टमस उत्सव विशेष कार्यक्रमको शुरुवात गरेका छन् । दमकमा रहेका इसाई धर्मावलम्बीहरुको साझा संस्था दमक नगर इसाई समाजको आयोजनामा यस अवसरमा बुधबार दमकस्थित गोरखा डिपार्टमेन्टको प्राङगणमा धार्मीक प्रवचतसहित शुभकामना आदानप्रदान, साँगितीक तथा साँस्कृतिक र सम्मान कार्यक्रम सम्पन्न भएको छ । सो कार्यक्रममा पुराना लोकगायक सिताराम ताजपुरियालाई सम्मान गरिएको छ ।
रेडियो नेपालमा ३४ वर्ष लामोसमय सेवागरी हाल सेवानिवृत जीवन बिताइरहेको पुराना लोकगायक ताजपुरियालाई दमक नगरपालिकाकी उपप्रमुमख तथा कार्यक्रमकी प्रमुख अतिथी रेगिना भट्टराई प्रसाई, कार्यक्रमका अध्यक्ष पाष्टर हेमन्त सुब्बा, कार्यक्रम संयोजक पारष्ट आकाश थुलुङ राईले दोसल्ला ओढाएर नगद १५ हजार रुँपैयासहित सम्मान“पत्र द्धारा सम्मान गरेका हुन् ।
६७ बर्षीय गायक ताजपुरीया २०४२ सालमा रेडियो नेपालमा प्रवेश गरेका हुन । ताजपुरियाका दर्जनौ लोकगीतहरु रेर्कड भएका छन । त्यसमध्ये गौरादहको बजारैमा माया हाम्रो बस्यो …….गीत अहिले सम्म कालजयी बनेर गुञ्जीरहेको छ ।
सो कार्यक्रममा गायक पाष्टर आमोस गजमेर, गायक पिन्हास रसाइली लगायतले येशु ख्रीष्टको महिमासहितका गीतहरु प्रस्तुत गरेर मनोरञ्जन दिलाएका थिए भने स्थानीय चर्च मण्डलीहरुमा आवद्ध कलाकारहरुले पनि जातीय साँस्कृतिक र पंरम्परागत भेषभूषासहितका नृत्य प्रस्तुत गरेका थिए ।
दमक नगर इसाई समाजका अध्यक्ष पाष्टर हेमन्त सुब्बाको अध्यक्षतामा र दमक नगर उपप्रमुख रेगिना भट्टराई प्रसाईको प्रमुख आतिथ्यतामा सम्पन्न कार्यक्रममा उपप्रमुख भट्टराईले आध्यात्मिक चिन्तनले मानिसले अनुशासनमा राख्ने र अनुशासित नागरिकहरुको सभ्य समाज निर्माण हुने भएकाले जुनसुकै धर्मप्रति आस्थावान नागरिकहरु राज्यका निम्ती बराबर हुने उल्लेख गरिन् ।
पोखराबाट दमकमा ख्रीष्टमस मनाउन आएका इसाई धर्मावलम्वीका अगुवा रेभ डाक्टर शामुएल संग्राम राई प्रमुख बक्तासमेत रहेका थिए । रेड डाक्टर राईले ख्रीष्टमसका विषयमा बिचारहरु राखेका थिए ।
नयाँ दिल्ली भारतबाट बाइबलमा स्नातक, बेलायतबाट पाष्टरीय शास्त्र र इन्डोनेशियाबाट डाक्टररेट हासिल गरेका रेड डा.राईले येशूख्रीष्टको सम्मान र आराधना गर्नुका महत्वका बारेमा प्रष्ट पारेका थिए ।
पाष्टर दावा शेर्पाले प्रार्थनागरी सञ्चालन भएको कार्यक्रममा दमक नगर इसाई समाजका उपाध्यक्ष पाष्टर राम राईले शब्दद्धारा स्वागत मन्तव्य राखेका थिए भने कार्यक्रममा जीवन चक्र समाज नेपालका अध्यक्ष गणेशप्रसाद गौतम, दमक उद्योग बाणिज्य संघका अध्यक्ष देबीप्रसाद (गोपाल) गुरागाई, दमक नगर इसाई समाजका पूर्व अध्यक्षसमेत रहनुभएका अन्तर धार्मीक शान्ति सञ्जाल झापाका अध्यक्ष पाष्टर राजकुमार नाछिरिङ राई, दमक नगर इसाई समाजका पूर्व अध्यक्ष तथा कार्यक्रम संयोजक पाष्टर आकाश थुलुङ राईले शुभकामना मन्तब्य राखेका थिए ।
दमक नगर इसाई समाजका सचिव पाष्टर अजय पाठक र पूर्व सचिव पाष्टर कुमार तामाङले सञ्चालन गरेका कार्यक्रममा पाष्टर डिके बेघा, पाष्टर युवराज गजमेर, पाष्टर सन्ताष रणपहेली, दिदीबहिनी समुहकी अध्यक्ष पारु खापुङ राई लगायत सहभागी थिए ।
