दमक/ महिला अधिकारका लागि राष्ट्रिय अभियान झापा जिल्ला समितिले आज दमकमा एक दिने अन्तरकृयात्मक कार्यक्रम सम्पन्न गरेको छ ।
महिला अधिकार र लैङ्गिक हिंसा बिरुद्धमा बिगत लामो समयदेखि बिभिन्न अभियानहरु सञ्चालन गर्दै आएको सो संस्थाले बिपदमा परेका बालबालिकाहरु र बृद्धबृद्धाहरुलाई समेत उद्धार र सहयोग गर्दै आईरहेको छ ।
आईजिएफएफ र टेवाको सहयोगमा महिला अधिकारका लागि राष्ट्रिय अभियानका केन्द्रीय प्रशिक्षकहरुद्धारा सञ्चालन गरिएको सो कार्यक्रमको अध्यक्षता अभियानकी झापा जिल्ला अध्यक्ष पुनम बजगाई संग्रौलाले गरेकी थिइन् ।
दमक नगरपालिकाकी उपप्रमुख रेगिना भट्टराईको प्रमुख आतिथ्यमा अभियानकी केन्द्रीय उपाध्यक्ष मन्धरा चिमरिया पौडेल, महिला नेतृ रामकुमारी पौडेल र ईलाका प्रहरी कार्यालय दमकका प्रहरी निरिक्षक विपिन विश्वकर्माको विशिष्ट आतिथ्यमा सो कार्यक्रम सम्पन्न भएको हो ।
सो कार्यक्रमका बक्ताहरुले अभियानले हालसम्म गरेका सकारात्मक कार्यहरुको प्रशंसा र थप अभियान सञ्चालनका लागि अनुरोध समेत गरेका थिए ।
महिला अधिकारका लागि राष्ट्रिय अभियानकी केन्द्रीय प्रशिक्षक बिन्दा ठटालले अहिले महिला अधिकारका लागि राष्ट्रिय अभियानले देशका ४२ जिल्लामा काम गरिरहेको बताउँदै अभियानको संगठन बिस्तार, अभियानमा संलग्न महिलाहरुको सशक्तिकरण र हस्ताक्षर संकलन गर्ने उद्धेश्यले कार्यक्रम आयोजना गरिएको उल्लेख गरिन् ।
राष्ट्रिय अभियानकी केन्द्रीय उपाध्यक्ष मन्धरा चिमरिया पौडेलले महिला आन्दोलनको आवश्यकता नै महिला सशक्तिकरणका लागि भएको बताउँदै महिला अधिकारका लागि महिला सशक्तिकरणका कार्यक्रममा जोड दिइन् ।
अन्तरक्रिया कार्यक्रममा बोल्ने अधिकांश महिला सहभागिहरुले महिला हिंसामा परिरहेका ग्रामिण समुदायका महिलाहरुलाई तालिम तथा अन्तरकृया कार्यक्रम मार्फत थप शशक्त बनाउनु पर्ने, निस्कृय पालिकाहरुलाई सकृय बनाउनु पर्ने, राजनीतिक नेतृत्वमा पुग्न पुरुषहरुको गठबन्धनले महिलाहरुलाई सधैं पछाडी पारिरहेको लगायतका बिषयमा महिलाहरु सशक्त रुपमा अगाडि बढनुपर्नेमा जोड दिएका महिला अधिकारका लागि राष्ट्रिय अभियानकी दमक नगर अध्यक्ष रमा लिम्बुले जानकारी दिइन् ।
