धरमपुर/ शिवसताक्षी १ को धरमपुरस्थित फुलबारी सेवा संगम क्लबले नयाँ नेतृत्व चयन गरेको छ । क्लबको अध्यक्षमा प्रेम शेर्मा सर्वसम्मत चयन भएका छन् ।
शिबसताक्षी–१ धरमपुरको फुलबारी चोकमा आज (शनिबार) सम्पन्न ३०औं वार्षिक साधारणसभाले शिक्षा क्षेत्रमा स्थापित शेर्मालाई अध्यक्षमा चयन गरेको हो । क्लबको उपाध्यक्षमा इन्द्रकुमारी पाण्डे, सचिवमा कुमार शंकर, सहसचिवमा मोहन फागो लिम्बू र कोषाध्यक्षमा निर्मला प्याकुरेल चयन भएका छन् । त्यस्तैं, क्लबको सदस्यहरुमा ज्ञानुहाङ शेर्मा लिम्बू, देउकुमारी राई लगायत छन् ।
क्लबका अध्यक्ष दिलबहादुर लिम्बूको अध्यक्षतामा ३०औं वार्षिक साधारणसभा सम्पन्न भएको थियो । सो सभामा क्लबले आर्थिक वर्ष २०८१÷०८२ मा सम्पन्न गरेका सामाजिक सेवामुलक गतिविधिहरु र वित्तिय गतिविधिहरुको प्रतिवेदन प्रस्तुत गरिएको थियो ।
सोही समारोहमा नवनिर्वाचित अध्यक्ष शेर्माले क्लबलाई आगामी वर्षमा रचनात्मक तथा सृजनात्मक कार्यहरुमा रुपान्तरण गरिने प्रतिवद्धता गरेका थिए । वार्षिक साधारणसभाको उदघाटन शिबसताक्षी नगर उपप्रमुख नरमाया कार्कीले गरेकी थिइन् ।
