दमक/ झापाको माइपश्चीम भुगोल र आसपास क्षेत्रमा क्रियाशील पत्रकारहरुको पेशागत संस्थाको रुपमा ‘प्रेस क्लव दमक’ गठन भएको छ । क्रियाशील पत्रकारहरुको भेलाले तत्काल ९ सदस्यीय कार्यसमिति चयन गरेको छ । ‘प्रेस क्लव दमक’ नाम दिइएको सो संस्थाको नेतृत्व नेपाल टेलिभिजनमा कार्यरत पत्रकार डिकेश लामाले लिएका छन् ।
उपाध्यक्षमा विष्णुप्रसाद पौडेल (निष्कर्ष न्यूज) सचिव मिलन आचार्य (झापा पोष्ट दैनिक) कोषाध्यक्ष रीना बुढाथोकी ( झापा पोष्ट अनलाइन) र सहसचिवमा सुजन गौतम (मल्टी मिडिया डटकम) रहेका छन् ।
कार्यसमिति सदस्यहरुमा ह्यारी राजवंशी(ब्लाष्ट न्यूज डटकम) कृतिका कट्टेल ( युक्ती टाइम्स) मनिश बराल (दमक बन्द) र रोजिना भण्डारी (युक्ती टाइम्स) रहेका छन् ।
नवगठित संस्थाले छिट्टै संस्थाको तत्कालिन र दीर्घकालिन कार्यसूची बनाएर गतिविधि बढाउने जनाइएको छ ।
कार्यसमितिको तत्कालिन कार्यक्रममा संस्था दर्ता, विधान निर्माण, संस्थाको गतिविधि र नवपुस्ताका पत्रकारहरुलाई तालिम गराउने जस्ता कार्य सम्पादन गर्ने निर्णय गरेको अध्यक्ष डिकेश लामाले जानकारी दिए ।
नव गठित क्लवमा झापाको माईपश्चिम र इलामको दक्षिणी क्षेत्रका सञ्चारकर्मीहरु समेटिने छन् । संस्थाको कार्यसमिति बैठकले ‘प्रेस क्लव दमक’को पाँच सदस्यीय सल्लाहकार समिति समेत गर्नेछ । पत्रकारहरुबीचको पेशागत हकहित र व्यवसायिकताको बिकासको लागि समेत संस्थाले आवश्यक समन्वय र सहकार्यको नीति लिइएको छ । यो क्लब स्थापनासँगै दमकमा दुई बर्ष अघि गिरिराज भट्टराईको अध्यक्षतामा गठन भएको सक्रिय पत्रकार सञ्जाल पनि समाहित भएको छ ।
