दमक/ पढाइसँगै बिद्यार्थीहरुलाई समुदायको सेवा र एकताको अभ्यासमा जोड दिँदै आएको दमक ७ स्थित इष्टर्न स्टार बोर्डिङ स्कूलले स्काउट ट्रुपको दिक्षान्त समारोह सम्पन्न गरेको छ ।
शनिबार दमक नगर स्काउट शैक्षिक पद्वित आयुक्त तथा स्काउटर प्रदिप खड्काको संयोजकत्वमा इष्टर्न स्टार स्काउट ट्रुपको दिक्षान्त समारोह सम्पन्न भएको हो ।
सो दिक्षान्तमा छात्रा तर्फ स्काउट लिडर डेलिना लोहार तथा छात्र तर्फ स्काउट लिडर बिपल लोहारले दिक्षान्त दिएका थिए ।
सो कार्यक्रमलाई सफल बनाउनका निम्ति सो विधालयका प्रिन्सिपल एवम् इकाई अध्यक्ष लच्छुदास सोताङ राइको उपस्थितिमा भएको कार्यक्रममा शुभकामना मन्तव्य राखेका थिए । प्रिन्सीपल राईले स्काउट विद्यार्थीहरूलाई स्काउटको मूल्य मान्यता र सिद्धान्त अनुसार आफ्नो जिम्मेवारी पुरा गर्दै समाजमा योगदान दिन हौसला प्रदान गरे ।
बिद्यार्थीहरुमा पढाईसँगै सामाजिक सेवा र एकताको भावना बिकास गराउने अभ्यासमा जोड दिँदै आएको सो बिद्यालयमा डेलिना लोहारद्वारा एक प्रेरणादायी STEM चेन्जमेकर्स कार्यक्रम समेत सफलतापूर्वक सञ्चालन गरिएको छ । जसले विज्ञान, प्रविधि, इन्जिनियरिङ र गणितको रोमाञ्चक संसार अन्वेषण गर्न सबै स्काउटहरूलाई एकीकृत गर्दै आकर्षक छलफल र ह्यान्ड्स अन गतिविधिहरू सञ्चालन गरेका थिए । सो कार्यक्रमले किशोरावस्थाका बिद्यार्थीहरुलाई रचनात्मक र सकारात्मक सोच्न, जिज्ञासु बनाउन र समस्या समाधान गर्ने सीपहरू विकास गर्न प्रोत्साहित गरेको छ ।
