दमक/ आज २० मार्च । विश्वभर मुख स्वास्थ्य दिवस । विश्वलाई एकजुट भएर मुख सम्बन्धी रोगहरूको बोझ कम गर्न मद्दत गर्दे आजैको दिन विश्व मुख स्वास्थ्य दिवस मनाइन्छ ।
मुखको स्वास्थ्य सम्बन्धि बढ्दो समस्याका विरुद्ध हरेक नागरिकहरु आफैं सचेत हुन आवश्यक हुने विज्ञहरुको सुझाव छ । मुखको स्वास्थ्यका लागि उपकरण र आत्मविश्वासका साथ मानिसहरूलाई सशक्त बनाउनु पनि आवश्यक छ ।
विश्वको जनसङ्ख्याको ९० प्रतिशत मानिसहरू आफ्नो जीवनकालमा मुख सम्बन्धी रोगहरूबाट पीडित भएको पाइन्छ ।
यी मध्य धेरै जसो मुख सम्बन्धी रोगहरूलाई रोक्न सकिने भए पनि उचित उपचार र जनचेतनाको अभावमा मुख स्वास्थ्यका समस्याहरू अझै विद्यमान छन् । एफडीआई अर्थात वल्र्ड डेन्टल फेडेरेसनद्वारा आयोजित, विश्व मुख स्वास्थ्य दिवसमा विश्वभरका राष्ट्रिय दन्त सङ्घहरूले १३० भन्दा बढी देशहरूमा मुख स्वास्थ्य सम्बन्धि सचेतना अभियानहरू सञ्चालन गर्दै आएका छन् । सन् २०१३ वाट विश्वमा यो दिवस मनाउन थालिएको हो ।
यसैबीच विश्व मुख स्वास्थ्य दिवसको अवसर पारेर आज झापाको दमकमा राष्ट्रिय दन्त संघको अगुवाईमा सचेतनामुलक र्यालीको आयोजना गरिएको दन्त रोग विशेषज्ञ थुलुङ डेन्टल हस्पिटलकी सञ्चालक डा.सोफया थुलुङले जानकारी दिइन् ।
.
