दमक/ दमक ३ ढुकुरपानीमा सञ्चालित अक्सफोर्ड अंग्रेजी माध्यमिक विद्यालयमा बिद्यार्थीहरुको सक्रिय सहभागितामा विज्ञान रोबोटिक्स र खाद्य महोत्सव (फुड फेस्टिबल) सम्पन्न भएको छ ।
शुक्रबार आयोजित सो कार्यक्रममा बिद्यार्थीहरुले विभिन्न समुहमा आवद्ध भई विज्ञान सम्बन्धिका कलात्मक सिर्जनाहरु प्रदर्शन गरेका थिए ।
उनीहरुले विशेष गरि आदिवासी समुदायमा लोकिप्रय खानेकुराहरु बनाएर अभिभावक तथा कार्यक्रमका सहभागी अतिथीहरुलाई विक्री समेत गरेका थिए । कार्यक्रमका सहभागीहरुले उत्सुकतापुर्वक बिद्यार्थीहरुले गरेका सिर्जनात्मक क्रियाकलापहरुको अवलोकन गरेका बिद्यालय प्रशासनले जनाएको छ ।
कार्यक्रम सफल बनाउन योगदान पुर्याउने शिक्षकहरू, उत्साही विद्यार्थीहरू, सहयोगी अभिभावकहरू र शुभचिन्तकहरूलाई बिद्यालयका तर्फबाट धन्यवाद ज्ञापन गरिएको छ ।
यस्ता कार्यक्रमहरूले विद्यार्थीहरूमा सिर्जनात्मकता, नवीनता र समग्र शैक्षिक र सामाजिक विकासमा समेत विशेष योगदान दिने विश्वास गरिएको बिद्यालयका प्रिन्सीपल गंगादेव चौधरीको भनाई छ ।
