दमक/ झापा जिल्ला सहकारी संघ अन्तर्गत सहकारी समन्वय समिति दमकको पुनःगठन भएको छ ।
संघका जिल्ला सञ्चालक समिति सदस्य तथा दमक नगर इञ्चार्ज पदम लिङदेन (संकल्प)को अध्यक्षतामा भएको दमक नगरपालिका सहकारी समन्वय समितिको भेलाले टिकाराज सापकोटा (सूर्यदर्शन साकोस)को संयोजकत्वमा समिति गठन गरेको हो ।
दमक नगरपालिकाका नगर प्रमुख रामकुमार थापाको प्रमुख आतिथ्यतामा भएको भेलाले सापकोटाको संयोजकत्वमा, सह–संयोजक अनिता खत्री (नयाँ बाटो बहुद्देश्य सहकारी संस्था ), सचिव श्री प्रेमलाल भण्डारी ( हिमचुली बचत तथा ऋण सहकारी संस्था) रहेको समिति गठन गरेको हो ।
सदस्यहरुमा ओममाया आङदाम्बे ( सूर्य किरण बचत तथा ऋण सहकारी संस्था ) भरत चम्लागाईं ( कञ्चनजङ्गा बहुउद्देश्य सहकारी संस्था) दीपा अधिकारी (उद्यम विकास बचत तथा ऋण सहकारी संस्था) नेत्रप्रसाद अधिकारी (कावेली साना किसान कृषि सहकारी संस्था) , पुरुषोत्तम खनाल (डाँफे सामुदायिक बचत तथा ऋण सहकारी संस्था ) हरि प्रसाद दाहाल ( विश्वासिलो बचत तथा ऋण सहकारी संस्था ) रहेका छन् ।
सो भेलामा दमक सहकारी बिभाग प्रमुख इच्चाराम चौलागाईं, जिल्ला सहकारी संघका अध्यक्ष प्रेमकुमार कोइराला, लेखा सुपरिवेक्षण समिति संयोजक चुडामणि ओझा, उपाध्यक्ष नारायण प्रसाद भट्टराई, सचिव भवानीप्रसाद दंगाल,कोषाध्यक्ष केशव बस्नेत, सञ्चालक सदस्य नारायण प्रसाद गौतम, पुष्पा अधिकारी, संगीता गजुरेल, युवराज गौतम, लेखा सुपरिवेक्षण समिति सदस्य मिलन आचार्य, व्यवस्थापक सन्जु देवान लगायत नगरपालिका भित्रका सहकारी संस्थाका ७१ भन्दा बढी सहकारी सस्थाका प्रतिनिधिहरु सहभागी थिए ।
कार्यक्रम सञ्चालन संघका सचिव भवानीप्रसाद दंगालले गरेका थिए ।
