काठमाडौँ / नवनियुक्त गृहमन्त्री सुधन गुरुङले पदभार ग्रहण गरेका छन् । राष्ट्रपति कार्यालयमा शपथ ग्रहण समारोह सकिएलगत्तै उनले सिंहदरबार पुगेर आफ्नो नयाँ जिम्मेवारी सम्हालेका हुन् ।
पदभार ग्रहण कार्यक्रममा गुरुङले आफ्नो कार्यकालको पहिलो निर्णयबारे जानकारी दिँदै सबै कामहरू एकद्वार प्रणालीबाट अघि बढाउने योजना सार्वजनिक गरे ।
उनले विशेष वर्गका सुविधा (भीआईपी लावालस्कर) प्रयोग गरेर जनतालाई असुविधा नपुग्ने सुनिश्चित गर्नुपर्नेमा जोड दिए । ‘कम बोल्ने मान्छे हुँ । एक्सनमा जान्छु । जेनजीको माग अनुसार हामी आएको हो । सुशासनविरुद्धका कुनै काम हुन सक्दैन’ उनले भने ।
सर्भिस डेलिभरीमा गुनासा नआउने गरी कर्मचारीहरूलाई जिम्मेवारीपूर्वक काम गर्न आग्रह पनि उनले गरे ।
