दमक/ दमक ८ मा रहेको पञ्चदेव सरस्वती हरिकीर्तन मण्डलीको १६ औं बार्षिक साधारण सभाले चेनता निरौलाको अध्यक्षतामा नयाँ कार्यसमिति चयन गरेको छ ।
शनिबार दमक ८ का वडाध्यक्ष धर्मप्रसाद दाहाल (दिपेश)को प्रमुख आतिथ्य र मण्डलीकी अध्यक्ष निर्मला थापाको अध्यक्षतामा सम्पन्न साधारण सभाले निरौलाको अध्यक्षतामा सो कार्यसमिति चयन गरेको हो । उपाध्यक्षमा जयन्ती भण्डारी, सचिवमा पदमा कार्की, सहसचिवमा पवित्रा प्याकुरेल र कोषाध्यक्षमा बन्दना बस्नेत रहेका छन् । कार्यसमिति सदस्यहरुमा बिना विष्ट, कविता दाहाल, यशोदा निरौला, तुलसा बोहोरा, दिप बहादुर खड्का, निर्मला भण्डारी र सुशीला अधिकारी चुनिएका छन् । त्यस्तै ज्ञानमञ्च संयोजकमा हिमा गौतम र सहसंयोजकमा बिष्णु बुढाथोकी तथा बाद्यवादनमा उमा पौडेल र गोवन्दप्रसाद अधिकारीलाई जिम्मेवारी तोकिएको छ । कीर्तन मण्डलीले साप्ताहिक रुपमा मंगलबार आलोपालो नियमित रुपमा भजन कीर्तन सञ्चालन गर्दै आएको अध्यक्ष निरौलाले जानकारी दिइन् ।
