दमक/ नेदरल्यान्डस् महिला विश्वकप फुटबलको फाइनलमा प्रवेश गरेको छ ।
फ्रान्सको लियोंमा गएराती भएको सेमिफाइनलमा स्विडेनलाई १–० ले हराउँदै नेदरल्याण्ड्स फाइनलमा प्रवेश गरेको हो ।
खेलमा नेदरल्याण्ड्सलाई विजयी गराउन अतिरिक्त समयको नवौं मिनेटमा ज्याकी ग्रोएनले निर्णायक गोल गरिन् ।
यसअघि निर्धारित ९० मिनेटको समयमा दुबै तर्फबाट गोल हुन नसकेपछि खेल अतिरिक्त समयमा पुगेको थियो ।
जितसँगै नेदरल्याण्ड्सले साविक विजेता अमेरिका विरुद्धको फाइनल भिडन्त तय गरेको छ ।
नेदरल्याण्ड्स पहिलो पटक महिला विश्वकप फुटबलको फाइनलमा प्रवेश गरेको हो ।
