दमक/ दमक नगरपालिका वडा नं ६ निवासी सामाजिक व्यक्तित्व ऐश्वर्य तिम्सीनाको परिवारले दमक ९ स्थित अनाथ बाल बृद्धाश्रममा अक्षयकोष स्थापना गरिदिएका छन् ।
तिम्सीनाका नाती शेरवको सम्झनामा उनका बुबा नुतन र आमा दीपा तिम्सीनाले ‘शेरव स्मृति अक्षयकोष’ स्थापना गरिदिएका हुन् ।
आश्रमको नाममा राष्टिय वाणिज्य बैंक दमक शाखाको खातामा १ लाख ११ हजार १ सय १० रुपैयाँ नगद जम्मा गरि तिम्सीना परिवारका नाती शेरवको स्मृतिमा अक्षयकोष खडा गरिदिएको आश्रमकी अध्यक्ष मन्धरा चिमरिया पौडेलले जानकारी दिइन् ।
आश्रमका तर्फबाट अध्यक्ष पौडेलले परोपकारी भावनाका धनी तिम्सीना परिवारले आश्रमका बालबालिकाको हितमा उपयोग गर्ने गरी अक्षयकोष खडा गरेर उच्चतम मानवीय सेवा भाव प्रकट गरेको भन्दै धन्यवाद व्यक्त गरेकी छिन् ।
