इटहरी/ धरान उप–महानगरपालिका–१३ बाट अनलाईन जुवा खेल्ने र खेलाउने कार्यमा सलग्न १० जनालाई प्रहरीले पक्राउ गरेको छ ।
वैशाख १४ गते राती बिशेष सुचनाको आधारमा कोशी प्रदेश प्रहरी कार्यालय बिराटनगरको टोलीले वडा प्रहरी कार्यालय धरानबाट खटिएको प्रहरी टोलीले धरान–१३ स्थित रहेको क्याफेमा अनलाईन जुवा खेल्ने र खेलाउने धन्दामा संलग्नहरुलाई पक्राउ गरेको हो ।
पक्राउ पर्नेहरुमा धरान– १३ का ४६ बर्षीय हेमन राई, २७ बर्षीय योगेश लिम्बु, २९ बर्षीय मिलन लिम्बु, ३१ बर्षीय शुसान्त घिमिरे, ४२ बर्षीय कुमार तामाङ, ४० बर्षीय विवेक थापा, धरान– १ का ३३ बर्षीय सुजित साह धरान–१६ का ४१ बर्षीय अशोक लिम्बु, धरान– १५ का ३५ बर्षीय भवानी दाहाल र धरान– १७ का ३१ बर्षीय प्रज्वल राई रहेका छन् ।
पक्राउ परेका उनीहरुको साथबाट प्रहरीले विभिन्न कम्पनीको १५ थान मोवाईल बरामद गरेको छ । पक्राउ परेका उनीहरुको सट्टेवाजी गर्न नहुने कसुरमा आवश्यक कानूनी कारवाही तथा थप अनुसन्धान भईरहेको कोशी प्रदेश प्रहरी कार्यालय विराटनगरले जनाएको छ ।
