झापा/ झापाको दमक-१० सेतुमारि र मोरङको उर्लाबारी-९ हुदै रतुवामाइ जोडने मावा पुल जीर्ण अवस्थामा पुगेको छ । पुलको पुर्बी भागमा ठूलो भ्वाङ परेको छ । सो पुलमा यो समस्या केही बर्ष अघिबाटनै देखिएको भएपनी सामान्य टालटुल मात्र हुँदै आएको थियो ।
यसै बर्ष पनि गएको चैत्र महिनाको अन्तिम साता स्थानीय केही युवाहरुले आफ्नै लगानी सो खाल्डो पुरेर सडक संचालन ल्याएका थिए । तर यो समस्या सामान्य टलटुलले मात्रा सिरचना दिगो बन्ने सम्भावना देखिदैन । पुलको अवस्था दयनिय बन्दै जादा यो सडक भए अहिले साईकल र मोटर साइकल मात्र सचालनमा रहेका भएपनी यो पनि कति समय चल्छ भन्न नसकिने अवस्था रहेको छ ।
यो पुल कस्ले हेर्ने र यसको सरक्षण र सम्बर्धनको जिम्मालेने निकाय कुन हो भन्ने अन्योल जस्तै बनेको छ । यो समस्या प्रती स्थानीय सरकार मौन बसिदिदा सर्वसाधारण जोखिम मोलेर यत्रागर्न बाध्य बनिरहेका छ्न । २०७१ साल चैतमा तत्कालीन प्रधानमन्त्री केपी शर्मा ओलीले शिलान्यास गरेपछि ४ करोड ४० लाख रुपैयाँको लागतमा दातृ निकायको सहयोगमा निर्माण भएको थियो ।
