दमक/ झापाको दमक ४ की पाँच बर्षकी एक बालिकाको बिर्तामोडमा एक घरको तीन तलाबाट खसेर ज्यान गएको छ । दमक ४ का मनोज आचार्यकी छोरी मानस्वी आचार्य आज बिहान करीब साढे ८ बजे बिर्तामोड ५ स्थित आफन्तको घरमा पाहुना आएकी थिइन । स्थानीय मन्जु उप्रेतीको घरमा बस्ने आफन्त हेमसगर भट्टराइको घरमा पाहुना आएकी उनी खेल्ने क्रममा घरको तीन तला माथिको झ्याल बाट भुइमा खसेकी थिइन । उनको बिर्तामोडको बिएन्सी अस्पतालमा उपचारका क्रममा बिहान १०.३० बजे मृत्यु भएको जिल्ला प्रहरी कार्यालय झापाले जनएको छ ।
