झापा/ झापाको कन्काई नगरपालिका वार्ड नं–३ नयाँबस्ति पुर्व–पश्चिम राजमार्गमा आज भएको दुर्घटनामा एकजनाको मृत्यु भएको छ । दुर्घटनामा छ जना घाइते भएका छन् । प्रहरीका अनुसार मंगलबार आज ११. ३० बजे प्र १– ०१–००१ ह ८२५२ नम्बरको अटो अनियन्त्रित भएर विपरित दिशाबाट जादै गरेको मे ५ प ६६२० नम्बरको मोटरसाइकलसँग ठोक्किएर भएको दुर्घटनामा अटोमा सवार हल्दीबारी ३ की ६८ बर्षिया मन्जुधरी ढकालको मृत्यु भएको हो ।
टाउकोमा चोट लागेर गम्भिर घाइते भएकी ढकालको बिएण्डसी अस्पताल विर्तामोडमा उपचारका क्रममा करीब साढे ४ बजे मृत्यु भएको जिल्ला प्रहरी कार्यालय झापाले जनाएको छ ।
अटोमा सवार हल्दीबारी ३ का ५७ बर्षिय जीवन ढकाल बर्ष ५० की हरीमाया ढकाल , बर्ष ३५ की भिमा ढकाल र माधब ढकालको छोरा बर्ष १३ को रोजन ढकाल, हल्दीबारी ५ का विनोद नेपालको छोरा बर्ष १३ को प्रदिप नेपाल र मोटरसाइकल चालक मोरङ मिक्लाजुङ ६ का ३७ बर्षिय चन्द्र बहादुर खत्रीको विर्तामोडमानै उपचार भइरहेको छ । अटो चालक हल्दीबारी ३ का खेमराज गौतमलाई प्रहरीले नियन्त्रणमा लिएको छ ।
