दमक/ दमकमा स्थापित ग्लोबल एजुकेशनल एकेडेमीले आफ्नो स्थापनाको झण्डै ३० बर्ष लामो गर्विलो इतिहास बनाएको छ ।
बर्ष बृद्धिसँगै ग्लोबल अब वयस्क भएको छ । एउटा भरपर्दो, विश्वासिलो र योग्य शैक्षिक संस्थाको रुपमा झापा जिल्लामानै परिचित छ ।
गुणस्तरीय शिक्षामा यहाँका अभिभावकहरुमाझ एक विश्वासिलो केन्द्रका रूपमा अघि बढिरहेको दमक–६, देवकोटा चोकमा आफ्नै सुविधासम्पन्न भवनसहितको यो बिद्यालय साना (प्ले ग्रुप)देखि माथिल्लो कक्षा १२ सम्म शैक्षिक मापदण्ड अनुसारको संरचना र प्रविधिसँगै अघि बढिरहेको छ ।
यसले ग्लोबल मन्टेश्वरीमा विशेष सुविधासहित ससाना नानी बाबुहरुको हेरचाहसहित पूर्ण बालमैत्री वातावरणमा खेल्दै सिक्दै गर्ने अभ्यास गरिरहेको छ ।
समय अनुसार शिक्षण प्रणालीलाई प्रविधियुक्त बनाउने (अद्यावधिक) गर्दै आएको यस विद्यालयले पाठ्यक्रममै कम्प्युटर विषय समावेश गरेर अध्यापन गरिआएको छ । ग्लोबलले विद्यार्थीलाई प्रारम्भदेखि नै डिजिटल ज्ञानसँग जोडेको छ ।
विद्यालयका कक्षाहरूमा स्मार्ट टेलिभिजन र स्मार्ट बोर्ड प्रयोगमा ल्याइएका छन्, जसले पढाइलाई अझ सजिलो र रोचक बनाएको छ । अडियो–भिडियो माध्यममार्फत गरिने शिक्षणले विद्यार्थीलाई बुझ्न र सम्झन सहज बनाएको छ ।
अतिरिक्त विषयसँगै आधुनिक सिकाइ
कक्षा ११ र १२ मा विज्ञान, व्यवस्थापन, आट्र्स, कानून तथा होटल म्यानेजमेन्ट जस्ता विषयहरू उपलब्ध छन् । साथै, ‘माई सेकेन्ड टिचर’ जस्ता डिजिटल प्लेटफर्मको प्रयोगले कक्षा बाहिर पनि सिकाइलाई निरन्तरता दिइएको छ ।
अंग्रेजी र सीप विकासमा जोड
विद्यालयले अंग्रेजी भाषाको सही उच्चारणमा ध्यान दिँदै विद्यार्थीलाई अन्तर्राष्ट्रिय स्तरमा प्रतिस्पर्धा गर्न सक्षम बनाउने प्रयास गरिरहेको छ ।
यसका साथै, कृत्रिम बौद्धिकता, सफ्टवेयर विकास, एथिकल ह्याकिङ जस्ता विषयहरूमा पनि विद्यार्थीलाई प्रारम्भिक चरणको ज्ञान दिने व्यवस्था मिलाइएको बिद्यालयका प्रिन्सीपल गुणराज अधिकारी बताउनु हुन्छ ।
पढाइसँगै व्यक्तित्व विकास
हरेक शुक्रबार ‘ब्याग–फ्रि डे’ सञ्चालन गरेर विद्यालयले विद्यार्थीको समग्र विकासमा जोड दिएको छ ।
यस दिन विद्यार्थीहरूले किताब नल्याई विभिन्न सिर्जनात्मक र मनोरञ्जनात्मक गतिविधिहरूमा भाग लिन्छन । जस्तै गायन, नृत्य, चेस, कराँते, चित्रकला, वक्तृत्वकला र योग–ध्यान मार्फत बिद्यार्थीहरुलाई सिर्जनात्मक र मनोरञ्जनात्मक गतिबिधिहरुसहित अतिरिक्त प्रतिभाहरुको बिकासमा योगदान पुगिरहेको प्रिन्सीपल अधिकारीको भनाई छ ।
उत्प्रेरणा र मानसिक सन्तुलन
डिजिटल दुनियाँमा धेरै समय बिताइरहँदा उनीहरुको मानसिकतामा परेको असरलाई ध्यानमा राख्दै विद्यालयले नियमित रूपमा उत्प्रेरणा कार्यक्रम सञ्चालन गर्दै आएको छ, जसले विद्यार्थीलाई आफ्नो लक्ष्यप्रति सचेत बनाउनुका साथै ध्यान र एकाग्रता बढाउन मद्दत पुगेको छ ।
सम्मान र सामाजिक जिम्मेवारी
ग्लोबल एजुकेशनल एकेडेमीले २०८० सालमा काठमाडौँमा आयोजित कार्यक्रममा सम्मान प्राप्त गरेर आफ्नो गुणस्तर पुष्टि गरिसकेको छ । साथै, ‘ग्लोबल कम्युनिटी आउटरिच’ कार्यक्रममार्फत विद्यालयले सामाजिक सेवामा पनि सक्रिय भूमिका निर्वाह गर्दै आएको छ ।
उपलब्धिमा अघि बढ्दै विद्यार्थी
यहाँ अध्ययनरत विद्यार्थीहरूले खेलकुद, सांस्कृतिक तथा विभिन्न प्रतियोगिताहरूमा उत्कृष्ट प्रदर्शन गर्दै आएका छन् । उनीहरूको सफलताले विद्यालयको पहिचानलाई अझ मजबुत बनाएको छ ।
बिद्यार्थीहरुले विभिन्न समयमा पाएको उच्च सफलताले स्वयं बिद्यार्थीहरु र अभिभावकलाई मात्रै नभएर सिंगो बिद्यालय परिवारलाईनै गौरावान्वित महसुस गराएको बिद्यालय व्यवस्थापन समिति अध्यक्ष इन्दिरा बस्नेतको अनुभव छ ।
